Pamahayag bahin sa desisyon sa mga kongresista bahin sa renewal sa prangkisa sa ABS-CBN

Gikaguol sa Simbahang Lingkod ng Bayan, ang socio-political nga sa Kapunongan ni Jesús, ang desisyon sa atong mga kongresista bahin sa pagpugong sa renewal sa prangkisa sa ABS-CBN.

Sentro sa atong Misyon isip mga Katoliko ang tagaan og prayoridad ang mga kabus ug pinaka huyang sa atong katilingban. Kining desisyon sa atong mga kongresista mao nagbutang og peligro sa kinabuhi sa mga 11,000 nga mamumuo sa ABS-CBN ug ang ilahang mga pamilya. Kini dakong kadugang sa nagkadako nga kadaghanong Pilipino na gakawad-an ug panarbaho ug nangadugso sa kapobrehon tungod sa dili maayo nga pagdumala sa COVID-19 pandemya.

Kining desisyon bahin sa prangkisa mao usab ang nakatanggal sa higayon sa pagdungog sa balita ug impormasyon bahin sa saktong panglawas ug paglahutay sa ubang komunidad hilabi na sa mga lugar na lagyo sa sentrong panlungsod ug nagasalig sa serbisyo sa ABS-CBN. Tungod usab nga napirmahan na ang balaod sa Anti-Terrorism, gikaguol sa Simbahang Lingkod ng Bayan ang mga posibleng pang-abuso ug kabangis na dili dokumentado, natala, ug wala mahibaloi sa katawhan.

Sa mga niaging bulan, daghang panawagan nga nagahanyo og sa dugang suporta sa atong sistema sa kahimsog ug tabang sa adunay pinansyal na kalisod. Ang pagtanggal sa mga serbisyo sa ABS-CBN nga dili lang limitado sa pag-awhag niining mga alatimanon pamaagi sa pagbalita, pati usab ang mga hinabang nga relief operations nga sila nagpahigayon, maoy hakog, walay pagtahod, ug maoy kabaliktaran sa mandato sa atong kongresista nga musersbisyo alang sa pagkaayo sa tibuok katawhan.

Tutol kami sa kakulangon sa pag-atiman sa niining administrasyon, kakulangon sa pagtagad sa mga kinabuhi sa mga kabus, ug ang pagtugyan sa kinabuhi sa mga Pilipino para ibaylo sa gahum. Manubag kamo sa inyong binuhatan.

Kini nga desisyon magdala og kasakit sa mga Pilipino. Gatuo ang atong Simbahan nga gina-imbitar sa atong Ginoo ang mga komunidad na magtipok niining mga panahon sa kangitngit ug daotan nga mao nagpabati og kalisod ug pag-inusara kanato. Labaw karon gina-awhag nato ang tanan nga magtindog kita isip usa ka Simbahan na mas ipadayag pa nato ang atong presensya sa mga komunidad ug kuyugan nato ang usag-usa sa pag-ampo, pagpamalandong, ug paglihok.